तनहुँ मंसिर १२

प्रहरीले बेलचौताराबाट आइतबार दिउँसो पेस्तोल सहित पक्राउ गरेको एक युवालाई सोमबार सार्वजनिक गरेको छ । जिल्ला प्रहरी कार्यालयमा आयोजित पत्रकार सम्मेलनमा ति युवालाई सार्वजानिक गरिएको हो । पक्राउ पर्नेमा कास्कीको लेखनाथ नपा-१३ का रविन केसी रहेका छन् ।

प्रहरीले केसीको साथबाट इटलीमा निर्मित अटोमेटिक पेस्तोल पिएआईआरओ एण्ड विराटा नम्बर ७०७६९० नम्बरको पेस्तोल एक थान म्यागजिन १ थान त्यसमा प्रयोग हुने १४ राउण्ड गोली १ थान फायर खोका र मोवाईल २ थान बरामद गरेको छ । उनीसँगै बरादम गरिएको हतियार र त्यसमा प्रयोग हुने गोली पनि सो अवसरमा सार्वजानिक गरिएको थियो ।

ईलाका प्रहरी कार्यालयबाट प्रनानी दिनेश पुनको नेतृत्वमा खटिएको सिभिल प्रहरी टोलीले आईतबार ३।३० बजे दुलेगौंडा गाविस-३ कोत्रे हलेदीबाट ग ६ प ६२६२ नम्बरको मोटरसाईकलमा आएका दुई जना व्यक्तिहरु मोटरसाईकल रोकी झाडी भित्र पसि संकास्पद कि्रयाकलाप गरेको अवस्थामा शंका लागि चेकजाँज गर्दा निजहरु भागेपछि पिछा गर्ने क्रममा केसीलाई पक्राउ गरिएको इतनहुँ डटकमलाइ तनहुँका प्रहरी नायव उपरिक्षक गौतमराज कट्टेलले बताए ।

त्यस क्रममा १ जना व्यक्ति फरार रहेको उनले बताए । पक्राउ परेका केसीलाई जिल्ला प्रशासन कार्यालयमा हातहतियार खरखजना सम्बन्धि मुद्दा लगाईने प्रनाउ कट्टेलले बताए । पक्राउ परेका व्यक्तिसँग बयान लिने कार्य सुरु भएको जनाईएको छ ।