मकवानपुर २५ मंसिर

बैदेशिक रोजगारका लागि दक्षिण अपि्रुका पुग्ने आशा लिएर चार महिना अघि बाराको रतनपुरीबाट हिँडेका टेकबहादुर घिमिरे अहिले भारतीय जेलमा छन् । 

रतनपुरी गाविसका कार्यालय सहायक पदमा कार्यरत घिमिरे नेपाली एजेन्टमार्फत् दक्षिण अपि्रुका जान भनी चार महिनाअघि नयाँ दिल्ली पुगेका थिए । तर उनको भिसा नक्कली भएको थाहा भए पछि नयाँदिल्ली स्थित दक्षिण अपि्रुकी राजदूतावासले प्रहरी लगाएर उनलाई पक्रेको थियो । टेकबहादुर निर्दोष भए पनि त्यसलाई पुष्टि गर्ने ुडकुमेन्टु को अभावमा उनी जेलमुक्त हुनसकेका छैनन् । 

टेकबहादुरको परिवारले दिएको जानकारी अनुसार उनीसहित गाउँका जयबहादुर लामा मोक्तान राजकुमार लामा मोक्तान राजकुमार लामा र राहुल लामा ललितपुरका प्रभात प्रधानको साथमा नयाँदिल्ली पुगेका थिए । उनीहरुमध्ये राहुल लामाले बताए अनुसार नयाँदिल्लीबाटै उनीहरुलाई दक्षिण अपि्रुका लैजाने भनिएको थियो र उनीहरुको पासपोर्ट पहिले नै उनीहरुको एजेन्टसँग थियो । नेपालबाट प्रतिव्यक्ति दुई लाख रुपैया तिरेर दक्षिण अपि्रुका पुर् याउने भनिए पनि रकमको कुरा नमिल्दा उनीहरु दिल्लीको पहाडगाजस्थित डलर इन होटलमा १९ दिनसम्म बसेका थिए । नयाँदिल्ली पुगेपछि दुई लाख नेपाली रुपैया नभएर भारतीय रुपैया बुझाउनु पर्ने भनिए पछि उनीहरुले नेपालबाट थप रकम झिकाएका थिए । 

राहुल लामाका अनुसार नयाँदिल्ली पुगेपछि उनीहरुको भेट प्रभात प्रधानमार्फत् देव गुरुङसँग भयो । उनीहरुको पासपोर्ट कोलकातामा रहेको बताइयो र त्यहीँ पुगेर ल्याउनु पर्ने भनियो । दुई लाख भारतीय रुपैया एकमुष्ठ देव गुरुङलाई दिएपछि उनीहरु पास लिन कोलकाता गए । उनीहरुको साथमा घिमिरे पनि गएका थिए । कोलकातामा पुगेपछि सबैको पासपोर्ट नदिने भन्दै घिमिरेको मात्रै पासपोर्ट दिएर पठाइयो । 

यसरी भिसा लागेको पासपोर्ट लिएर कोलकाताबाट नयाँदिल्ली फर्किएपछि भिसा सक्कली हो कि नक्कली हो भनी जाँच गराउन घिमिरे प्रभात प्रधान र अर्को एक जना नेपाली दक्षिण अपि्रुकी राजदूतावासमा पुगे । उनीहरुले सोचेका थिए- सक्कली भएमा उनी दक्षिण अपि्रुका जानेछन् र नक्कली भएमा त्यहीँबाट घर फर्कनेछन् । तर उनीहरुले जे सोचेका थिए परिणाम ठीक त्यसको उल्टो भयो । भिसा नक्कली भएको थाहा पाउने वित्तिकै दक्षिण अपि्रुकी राजदूतावासले प्रहरी बोलाएर उनीहरुलाई पक्रन लगायो । प्रधान र अर्को एक जनालाई चौवीस घण्टा थुनामा राखेर छाडियो भने घिमिरेलाई नक्कली भिसाको कारोबार गर्ने एजेन्ट भनी आरोप लगाइयो । घिमिरे गएको सेप्टेम्बर ९ तारिकदेखि नयाँदिल्लीस्थित पिहार जेलमा छन् । 

भारतीय प्रहरीले अहिले उनलाई भारतीय कानूनको २७३ नं। धारा अनुसार कारवाही चलाइरहेको छ । भारतमा जालसाजी नक्कली भिसा आदिका आरोपीहरुलाई यो धारा अनुसार कारबाहीको प्रकि्रया अघि बढाइने गरिन्छ । भारतीय प्रहरीले पछि देव गुरुङलाई पनि समातेर जेलमा राखेको छ । घिमिरेलाई पक्रेपछि नयाँदिल्ली बसन्त विहार पुलिस स्टेशनले जिल्ला प्रशासन कार्यालय बारामार्फत् उनको परिवारलाई उनी थुनामा रहेको जानकारी गराएको थियो । शनिबार इलाका प्रहरी कार्यालय निजगढले टेकहादुर घिमिरे कुनै फौजदारी अभियोगमा लागेको अभिलेखबाट नदेखिएको र निजको चालचलन राम्रो रहेको भनी सिफारिस गरेको उनकी छोरी उमा घिमिरेले बताइन् । 

नयाँ दिल्लीमा टेकहादुरलाई उनका आफन्त केदार पुडासैनीले छुटाउन पहल गरिरहेका छन् । उनले नयाँदिल्लीस्थित नेपाली राजदूताबासबाट कुनै सहयोग नपाएको गुनासो गरे । यता नेपालको श्रम विभागले पनि घिमिरेलाई छुटाउन चासो नदिएको उनका आफन्त काठमाण्डौं निवासी आशकाजी श्रेष्ठले बताए । ुउहाँटेकबहादर निर्दोष हुनुहुन्छ । उहाँ जेलबाट मुक्त हुनुभए हाम्रो फसेको रकम पनि उठाउन सजिलो हुने थियोु घिमिरेसँगै गएका रतनपुरीका राहुल लामाले भने । घिमिरे निर्दोष भएकाले उनलाई छुटाउन उनको आफन्तजनले सबैलाई आग्रह गरेका छन् ।