२५ मंसिर, काठमाडौँ । व्यवस्थापिका संसदअन्तर्गतको राज्यव्यवस्था समितिले मुलुकको बिग्रँदो सुरक्षास्थितिका बारेमा चासो देखाएको छ ।

समितिले आज खस्कँदो सुरक्षा अवस्थाबारे जानकारी लिन सम्वद्ध पक्षका अधिकारीलाई बोलाएको छ । समितिको कार्यालय सिंहदरबार अहिले जारी बैठकमा उपप्रधान तथा गृहमन्त्री विजयकुमार गच्छदारसहित चारवटै सुरक्षा निकायमा प्रमुखलाई सोधपुछका लागि बोलाइएको सभापति रामनाथ ढकालले जानकारी दिनुभयो । बैठकमा उपात्यका लागयत मुलुकभर दैनिकजसो भइरहेका हत्या, अपहरण र लुटपाट घटनाका विषयमा जानकारी लिनुका साथै सुरक्षा अवस्था सुधारका लागि प्रभावकारी सुरक्षा रणनीति अख्तियार गर्न निर्देशन दिइने सभापति ढकालले बताउनुभयो ।

सभापति ढकाल माथिसमेत केही दिनअघि व्ययवस्थापिका संसदको बैठकमा सहभागी भएर निवास र्फकन लाग्दा राजधानीको पुतली सडकमा अज्ञात व्यक्तिहरुको एक समूहले ढुंगामुढा प्रहार गरेको थियो ।