काठमाडौँ, कात्तिक २२ - स्थानीय बजारमा छापावाल सुनको मूल्य हिजोको तुलनामा आज प्रतितोला रु एक हजारले वृद्धि भई रु ५४ हजार ७०० कायम भएको छ। नेपाल सुनचाँदी व्यवसायी सङ्घका अनुसार हिजो छापावाल सुनको मूल्य रु ५३ हजार ७०० थियो।

यसैगरी तेजावी सुनको मूल्य हिजोको तुलनामा आज प्रतितोला रु एक हजारले बढेर रु ५४ हजार ४९० कायम भएको छ भने हिजो तेजावी सुनको मूल्य रु ५३ हजार ४९० रहेको थियो।

यस्तै चाँदीको मूल्य हिजोको तुलनामा प्रतितोला रु १० ले वृद्धि भई रु एक हजार ११० कायम भएको छ हिजो चाँदीको मूल्य प्रतितोला रु एक हजार १०० कायम रहेको थियो। रासस