दमौलीबाट डुम्रेतर्फ जाँदै गरेको ग १ ख ३५४४ नम्बरको बस बिहीबार ब्रेक फेल भइ नालिमा पल्टँदा ६ जना घाइते भएका छन् ।

घाइते हुनेहरुमा ११ वर्षीय अनुस बानिया टक्सार-८ लमजुङका २० वर्षीय सन्तोष विक भार्ते गाविस-८ लमजुङका ५५ वर्षीय सुशीलचन्द्र अधिकारी बन्दिपुर-९ का २१ वर्षीया आशा गुरुङ बरभाज्याङ-७ की २५ वर्षीया मिरा थापा र १७ वर्षीया लक्ष्मी थापा रहेको जिल्ला प्रहरी कार्यालय तनहुँले जनाएको छ ।

यसैबीच ग १ प ८१९२ नम्बरको मोटरसाइकलले ट्राफिकचोकमा साइकललाई ठक्कर दिँदा साइकल चालक व्यास-८ कन्टार बस्ने ६५ वर्षीय हेमराज खनाल घाइते भएका छन् । उनको चरक अस्पताल पोखरामा उपचार भइरहेको छ ।