८५ प्रतिशत राजस्व प्रभावित

सिराहा,
कात्तिक २३ - सरकारले गिटी, बालुवा ढुङ्गा भारततर्फ निकासीमा रोक लगाएपछि सुनसरी भन्सार कार्यालय कोसी ब्यारेजको राजस्व ८५ प्रतिशत प्रभावित भएको छ ।

कार्यालयका अनुसार यस आर्थिक वर्षमा तीन करोड ६८ लाख ९१ हजार रुपैया राजस्व उठाउने लक्ष्य रहेकामा हालसम्म ८३ लाख ६८ हजार ४ सय ५६ रुपैयाँ मात्र राजस्व उठ्न सकेको छ । त्यस्तै गत आर्थिक वर्षमा ११ करोड १२ लाख रुपैया राजस्व उठाउने लक्ष्य रहेकामा तीन करोड ४५ लाख रुपैया राजस्व मात्र उठ्न सकेको थियो ।

लक्ष्यअनुसारको राजस्व नउठ्नुको कारण गिटी, बालुवा ढुङ्गा भारततर्फ निकासीमा रोक लगाउनु भन्सार अधिकृत तोमनाथ उप्रेतीले बताउनुभयो ।source: onlinekhabar.com

Labels: अर्थ