नायक तथा निर्माता रोज राणा अहिले एउटा मिठो सपना देखिरहेका छन् । उनको सपना अर्थात डि्रम हो- ‘ग्याङस्टार’ नामक चलचित्र । ग्याङस्टार चलचित्रले रोजलाई धेरै सताएको पनि छ र एउटा सपना पनि देखाएको छ । उनले चलचित्र ‘म छु नि तिम्रो’ चलचित्रको प्रदर्शन सँगसँगै चलचित्र हथकडि वनाउने भनेका थिए ।

तर, अव उनको हथकडि केही पर सरेको छ । कारण-हो ग्याङस्टारको निर्माण । उनले अव आफ्नो डि्रम प्रोजेक्ट भनिएको चलचित्र ग्याङस्टार वनाउने भएका छन् । यो चलचित्र नेपालकै ईतिहासमा पहिलो पटक हुनसक्छ, जहाँ ९ जना नायकहरुले एकैसाथ काम गर्नेछन् । ९ जना नायकहरुमा को को छन् त ?

रोजले बताएअनुसार नेपालका सुपरस्टार राजेश हमालदेखि भर्खरै उदाउँदै गरेका नायकहरु देखिनेछन् यसमा । हमालबाहेक सुमन सिं, मुकेश आचार्य, रोज राणा, जीवन लुईटेलको मुख्य भूमिका रहनेछ ।

अन्य ४ जना नायक भने पक्का भैनसकेको रोजले जानकारी दिए । नायिकाको खोजी भइरहेको भन्ने हल्लाप्रति भने उनको असहमति छ । रोजले भने-’चलचित्रका लागी नायिकाको खोजी भैरहेको होईन, फिक्स नभएको हो ।’