उदयपुर, असोज १३

दुई साताअघि प्रहरी हिरासतबाट भाग्न सफल एक कैदीलाई शुक्रबार दिउसो प्रहरीले पक्राउ गरेको छ। जिल्लाको कटारी इलाका प्रहरी कार्यालयको हिरासतबाट भदौ ३१ गते फरार मङ्गल विक भनिने प्रकाश रसाईलीलाई प्रहरीले सिरहाको धनगढीबाट पक्राउ गरेको इप्रका कटारीले जनाएको छ।

राति ८ बजे हिरासतको झ्यालको फलामे डण्डी काटेर भागेका अन्दाजी २१ वर्षीय रसाइली सिरहा प्रहरीको सहयोगमा उदयपुरबाट खटिएको विशेष टोलीले पक्राउ गरेको प्रहरीले जनाएको छ।