गजुरीबाटै राजधानी फर्किए अर्थमन्त्री

इ तनहुँ संवाददाता
गोरखा पुस २
गोरखाको हर्मीमा शनिवार आयोजित ३ उद्घाटन कार्यक्रममा सहभागी हुन गोरखा आउँदै गरेका अर्थमन्त्री बर्षमान पुनः बाटोबाटै राजधानी फर्किएका छन् । हर्मीमा संचालित सामुदायिक रेडियो हर्मीको नव निर्मित भवन शहिद स्मृति भवन र महेन्द्र लिला उच्च माध्यमिक विद्यालयको नवनिर्मित ६ कोठे भवनको उद्घाटनका लागि हर्मी आउँदै गरेका अर्थमन्त्री पुनः सुरक्षा निकायको सल्लाह अनुसार गजुरीबाटै राजधानी फर्किएका हुन् ।
तरुण दल चितवनका अध्यक्ष शिव पौडेलको उपचारको क्रममा मृत्यु भएको विषयलाई लिएर काग्रेस कार्यकर्ताले मुग्लिनमा प्रदर्शन गरेको सुचना पाएपछि सुरक्षा निकायको सल्लाह अनुसार अर्थमन्त्री पुनः काठमाण्डौ फर्किएको रेडियो हर्मीका अध्यक्ष जनार्दन ढकालले बताए । शनिवार स्थगित भएका ३ वटै उद्घाटन कार्यक्रम एक साता पछि सारिएको छ ।

Labels: राष्ट्रिय समाचार