व्यासको दर्शन गर्न राज्यमन्त्रीको दमौलीमा बास

व्यास अन्न क्षेत्रका संरक्षक दामोदर बाबाको हातबाट शनिवार टिका ग्रहण गर्दै वन राज्यमन्त्री लक्ष्मण महतो ।

समुन्द्र पौडेल
तनहुँ, मंसिर २४
महाभारतका रचयिता बेदव्यासको जन्मस्थल घुम्नकै लागि वन राज्यमन्त्री लक्ष्मण महतो शुक्रबार तनहुँमा बास बसेका छन् । आइतबार पोखरामा हुने एक कार्यक्रममा सहभागी हुने शिलशिलामा सपरिवार शुक्रबार साँझ दमौली आइपुगेका उनले शनिवार बिहानभर बेदव्यास क्षेत्रको दर्शनमै व्यस्त रहेका थिए ।
'व्यासको दर्शन गर्न काठमाण्डौबाटै जिज्ञासा राखिरहेको थिए ।' उनले भने, 'दर्शनकै लागि शुक्रबार दमौलीमा बाँस बास्यौ ।'
सदरमुकाम दमौलीदेखी निकै टाढा सोचेर आएका उनीहरु आइतबार बिहानै

शनिवार बिहान व्यास गुफाको अवलोकन गर्दै वन राज्यमन्त्री लक्ष्मण महतो ।

सपरिवार बजार क्षेत्रमै रहेको व्यास क्षेत्रको अवलोकनमा निस्किएका थिए । अतिथी गृहबाट १० मिनेट दुरीको व्यास क्षेत्र पैदलै पुगेका महतो दम्पतीले व्यासगुफा वेदव्यासको शालिक व्यास अन्न क्षेत्र सहित गौसालाको समेत अवलोकन गरेका थिए ।
'व्यास क्षेत्रको प्रचार प्रसार गर्नु पर्ने रहेछ ।' अवलोकन पश्चात उनले भने, 'व्यासको बारेमा थाहा पाएकाले बाटो पर्दा दर्शन गर्न आएको हुँ ।' राज्य मन्त्री दम्पतीले व्यास मन्दिर परिसरमा टिका र प्रसाद समेत ग्रहण गरेका थिए । व्यास क्षेत्रको अवलोकनको क्रममा राज्य मन्त्री महतोले वेदव्यास र व्यास क्षेत्रको बारेमा चासो राखेका थिए । राज्यमन्त्री महतो शनिवार दिँउसो पोखरातर्फ लागेका थिए ।

व्यास अन्न क्षेत्रमा संचालन गरिएको गौशालाको दुध पिउँदै वन राज्यमन्त्री लक्ष्मण महतो ।

राज्य मन्त्री महतोको जिज्ञासामा वेदव्यासको प्रचार प्रसार गर्न नसक्दा व्यास क्षेत्र ओझेलमा परेको व्यास अन्न क्षेत्रका संरक्षक दामोदर बाबाले बताए । उनले दमौलीमा महर्षी बेदव्यासको १०८ फिट अग्लो शालिक निर्माणको प्रकि्रया भएपछि व्यास क्षेत्रको आकर्षणमा समेत बृद्धि भएको दामोदर बाबाले बताए । हालै दमौलीमा सम्पन्न भएको महायज्ञमा ५८ लाख भन्दा बढि रुपैया संकलन भएको थियो ।

Labels: feature