राष्ट्रिय औद्योगिक प्रदर्शनीको अवसरमा उधोग संघ चितवनको आयोजनमा सोमबार खुल्ला रक्तदान कार्यक्रम सम्पन्न भएको छ ।वर्षमा दुई पटक रक्तदान कार्यक्रमको आयोजना गर्ने संघको वार्षिक कार्यक्रम अनुसार प्रदर्शनिको अवसर पारेर आयोजना गरिएको रक्तदान कार्यक्रममा ४ जना महिला सहित २१ जनाले रगत दिएको आयोजकले जनाएको छ ।

त्यस अघि कार्यक्रमको उद्घाटन गर्दै नेपाल रेडक्रस सोसाईटि चितवनकी कोषाध्यक्ष अनिता मैनालिले पछिल्लो समय बढ्दो रगतको अभावलाई कम गर्न कार्यक्रमबाट सहयोग पुग्ने बताईन् । साधारण तया प्रत्येक तिन तिन महिनामा हाम्रो शरिरमा नयाँ रक्त कोषीकाहरु बन्ने हुनाले खेर जाने रगतलाई दान गरेर मानव जीवन बचाउन सबैमा आह्वान गरिन् । उनि चितवनमा नै हालम सम्मनै धेरै पटक रक्तदान गर्ने व्यक्ति हुन । मैनालीले हाल सम्म ७५ औ पटक रगत दान गरिसकेकी छिन् ।रक्तदान कार्यक्रमका संयोजक त्रिलोचन कँडेलले कार्यक्रम संचालन गरेका थिए भने उद्घाटन कार्यक्रम उधोग संघ चितवनका अध्यक्ष कृष्ण प्रसाद अधिकारीको अध्यक्षतामा सम्पन्न भएको थियो ।