तनहुँ चैत्र २७

इतनहुँ डट कमका सम्पादक कृष्ण न्यौपाने माथी अज्ञात समुहले सोमबार साँझ कुटपीट भएको छ । व्यास १० शान्तिनगर स्थित घरबाट कार्यालयतर्फ आउदै गरेका न्यौपानेलाई साडे ७ बजेको समयमा पशु सेवा कार्यालय र बाराही आवसिय माध्यमिक विद्यालयको नवनिर्मित भवन बिचको ओरालोमा २ जनाको समुहले कुटपीट गरेका हुन् । पत्रकार न्यौपाने नेपाल पत्रकार महासंघ तनहुँ शाखाका सदस्य र कारोबार दैनिकका तनहुँ संवाददाता समेत हुन् ।

'म अध्यारोमा मोबाइल बालेर उक्लदै थिए' उनले भने 'मलाई एक्कासी आक्रमण गरे आक्रमणकारी चिन्न सकिन ।' लोडसेडिङको समयमा भएको आक्रमणबाट पत्रकार न्यौपाने सामान्य घाइते भएका छन् । आक्रमणको क्रममा उनको चस्मा फुटेको छ भने आक्रमणकारी समुहले पत्रकार न्यौपानेको मोबाइल लुटेर लगेका छन् । 

घटना लगतै केही पत्रकार सहित प्रहरी घटनास्थलमा पुगेपनि आक्रमणकारीहरु फेला पर्न सकेनन् । आक्रमणकारीको खोजी कार्य भईरहेको जिल्ला प्रहरी कार्यालय तनहुँले जनाएको छ । सम्पादक न्यौपाने माथी भएको आक्रमणको इ तनहुँ डट कम घोर भत्स्रना गर्दै आक्रमणकारीलाई पक्राउ गरी आवश्यक कारर्वाहीको माग गर्दछ ।