पत्रकार भण्डारीलाई पितृ शोक

इ तनहुँ संवाददाता
तनहुँ, माघ ७
नेपाल पत्रकार महासंघ तनहुँ शाखाका सदस्य एवं तराई टेलिभिजनका तनहुँ संवाददाता दिवाकर भण्डारीलाई पितृशोक परेको छ । गजरकोट–६, अत्रौली निवासी उनका ७० वर्षीय पिता पुष्पराज भण्डारीको शनिवार बिहान निधन भएको हो ।
विगत लामो समयदेखी मुटु र मृगौला रोगबाट पीडित पुष्पराजको दमौली स्थित नेशनल एपोलो हस्पिटलमा उपचारको क्रममा शनिवार बिहान निधन भएको छ । स्वर्गीय भण्डारीका ७ छोरा र ७ छोरी छन् । नेपाल पत्रकार महासंघ तनहुँ शाखा, प्रेस चौतारी तनहुँ शाखा, फोटो पत्रकार महासंघ तनहुँ शाखा र क्रियाशिल महिला पत्रकार संघले शनिवार छुट्टा छुट्टै शोक वक्तव्य प्रकाशित गरी घटना प्रति दुःख व्यक्त गर्दै दिवगंत आत्माको चीरशान्तिको कामना गरेको छ । इ तनहुँ डट कम परिवार दिवगंत आत्माको चिरशान्तिको कामना गर्दछ ।

Labels: तनहुँ समाचार