बर्षमा १६ मानवअधिकार हननका घटना

इ तनहुँ संवाददाता तनहुँ पुस ६
एक वर्षको अवधीमा तनहुँमा १६ मानवअधिकार हननका घटना भएका छन् । अनौपचारिक क्षेत्र सेवा केन्द्र इन्सेक ले बुधबार दमौलीमा सार्वजनिक गरेको मानवअधिकार हननका घटनामा महिला र बालबालिकाहरु बढि पीडित रहेको जनाइएको छ ।
इन्सेकले आयोजना गरेको मानवअधिकार वर्ष पुस्तकको पुर्व समिक्षा कार्याक्रममा मानवअधिकार हननका घटनाका २२ पीडित मध्ये १६ महिला र बालबालिका रहेको इन्सेक जिल्ला प्रतिनिधी प्रकाशचन्द्र भट्टराईले बताए ।
इन्सेकले सार्वजनिक गरेको मानवअधिकार हननका घटनाहरुमा कुटपिट १ बालअधिकार तर्फ २ वटा बालविवाह ४ वटा बलात्कार र १ कुटपिटको घटना भएको छ । त्यस्तै महिला अधिकार तर्फ बहुविवाह १ र बेचबिखनका २ घटना र जातिय विभेदको १ घटना रहेका छन् ।

Labels: राष्ट्रिय समाचार